Фальклорнае свята: НА КІРМАШЫ

\

Фальклорнае свята: НА КІРМАШЫ

МЭТА:

·      Пашырыць кругагляд вучняў, выклікаць цікавасць да традыцый і звычаяў беларускага народа, да яго гісторыі,

·      дапамагчы вучням адчуць адметнасць беларускага фальклору як спосабу выяўлення душы народа,

·      выхоўваць любоў да роднага слова, да Радзімы.

1.     Усе тут ці не?

2.     Усе!

3.     Паклон вам, людзі дарагія, старыя і малыя!

4.     Жыхароў кожнай хаты запрашаем на свята!

5.     Беларускае! Народнае! Вяселае! Карагоднае!

6.     Людзі добрыя, вітаем! Дабрабыту вам жадаем!

7.     А я вось што запытаю: адкажыце, госці, мне, ці вам добра тут, ці не?

(Госці: “Добра”)

8.     Вельмі добра калі так. Дык збірайцеся з намі на кірмаш. Там вы ўбачыце шмат чаго цікавага.

9.     А на чым жа мы паедзем?

10.                      Як гэта на чым? Дык на тым, на чым спрадвеку ездзілі – на кабыле!

11.                      На кабале? А дзе ж мы яе возьмем?

12.                      А вось у дзеда. (Байка “Ехаў дзедка на кірмаш”)

      Дзед: Вось і прыехалі! Колькі ж тут народу, а колькі розных тавараў!

13.                      Паглядзі! А дзед з бабаю яшчэ спрачаюцца.

(Песня “Пасееў дзед грэчку...”

14.                      Дзяўчаты, што вы ўсе пра дзеда ды пра бабу!

Гэй вы, хлопцы і дзяўчаты!

Зараз тупнем мы заўсята!

Патанцуем, пагуляем

І людзей пазабаўляем!

     Танец  “Лысы”

         З’яўляецца Лявоніха. Вядзе на павадку бычка.

15.                      А хто ж там яшчэ на кірмаш ідзе? Напэўна Лявоніха. І каго яна там валачэ?.

16.                      Бычка.

Дзед: Баба, можа бычка купім?

Баба: Ах ты, елупень стары! Хто ж яго даглядаць будзе? Хай вунь малодшыя купляюць, калі старгуюцца. Бо, я ведаю, Лювоніха надта ж скупая кабета.

Лявоніха: Як пачуў мой бычок музыку, дык і прывалок мяне сюды. А тут у вас што? Кірмаш? Дык вось, неслух, сам вырашыў свой лес. Я цябе прадам. (Крычыць) Прадаю бычка, ладнага бычка!

17.                      Добры дзень, Лявоніха!

Лявоніха: Добры дзень, чалавеча! Чаго ты хочаш?

18.                      Вельмі спадабоўся мне твой бычок, вунь які прыгожы. Можа прадасі?

Лявоніха: А што ты з ім будзеш рабіць?

20.Як гэта што? Падгадую, падкармлю і...(паказвае жэстам, што зарэжа)

Лявоніха: Што? А ну, прэч адсюль! Бач які! Рэзаць будзе! (замахваецца)

19.                      Прабач мяне! Я яго чыстай вадзіцай буду паіць, ды свежай травіцай карміць.

Лявоніха: Свежай, кажаш, без нітратаў?

21.Ну, вядома ж! Прадай, га?

Лявоніха: Усе роўна не прадам! (адводзіць бычка ўбок)

Баба:А што я вам казала? Скупая, скупая і есць.

Песня “Ой жа, прадай, бабушка, бычка...”

(На сярэдзіну залы выскоквае Паўлінка, за ей – пан Быкоўскі)

П.Б. Панна Паўлінка, куды вы ўцякаеце? Пастойце хвіліначку са мной.

Паўлінка: Яшчэ чаго!

П.Б. Панна Паўлінка, я хоць каня пайду прывяжу.

Паўлінка: А добрага каня пан Быкоўскі мае?

П.Б. А як жа! У мяне ўсе лепшае як у другіх. Ды і дзяўчыну я знайшоў самую лепшую. Вас, панна Паўлінка.

Паўлінка: Не спяшайшеся, пан Быкоўскі, зараз прыйдзе шмат дзяўчат, можа пашанцуе яшчэ лепшу знайсці.

П.Б. А ці не жадае панна Паўлінка паспяваць са мною, а можа і станцаваць.

Паўлінка: Добра ўжо. Паспяваем.

(Прыпеўкі)

П.Б.: Паненка Паўлінка, трэба прызнаць, што добра вы спяваеце.

Паўлінка: Пан Адальф, а паслухайце як  нашы дзяўчаты спяваюць.

(Песня “Ой, за гаем, гаем...)

П.Б.. А цяпер, панна Паўлінка, я навучу вас  танцаваць замежны танец, а не які там мужыцкі. Падзіспань называецца

Паўлінка: Як называецца? Пайдзі спаць? Што вы, пан Адальф, мы любім танцаваць вяселыя танцы, а не сонныя. Даваўце, дзяўчаты пакажам пану Адальфу як мы умеем скакаць.

(Танец “Кракавяк”)

Дзяўчаты: Гляньце! Гляньце! Дзяўчаты, Сямен ідзе.

С. Скачаце?

Дзяўчаты: Скачам.

С. А я вось гісторыю цікавую вам раскажу. Ну, іду я, значыць, на кірмаш...

Дзяўчаты: Хопіць, хопіць, Сэмэн, паглядзі лепш на нас, якія у нас хусткі прыгожыя, а спадніцы....

С. А ну вас, з вашымі ўборамі.

(Песня “Ой, горны Сэмэнэ...”)

20.                      Што ж вы нарабілі? Кавалера прагналі! Іх жа і так мала.

Дзяўчаты: А ну іх, тых кавалераў! Давайце лепш пойдзем купім сабе што небудзь.

21.                      Паглядзіце, якія прыгожыя вырабы прадаюцца.

22.                      А вось якія сурвэткі цудоўныя!

23.                      А ручнікі як зіхацяць! Саматканыя, вышаваныя....

24.                      Ды што тут! У нашым музеі  сабраны сапраўдныя цуды: і вырабы з дрэва, і карункі, і выцінанкі...

      25.    Запрашаем вас, паважаныя госці, у наш школьны музей.